POEZIA AMIZADE SEM RAZÕES

 

POEZIA

AMIZADE SEM RAZÕES

                                                Hakerek-Na’in: Ricarso Amaral.

 

Moris ne’e furak tebes tan ita haree realidade mundu nian.

La sente moris lori ita atu hamutuk iha fatin ne’ebé,

Ita la imajina hodi hasoru no dada lia mesak kmo’ok

Momentu ne’ebá la ezisti domin no filisidade ba ita idaidak nia moris

No derepente ambiente moris nia obriga ita-an atu hola parte

Iha relasaun belun nian ho lialoos... no la sente segundu barak tebes

Ita hakur liuhosi hamnasa oioin iha fatin ne’ebé ita dada lia

Too oras fahe malun no fila kotuk hela ain fatin iha fatin furak ne’e;

Nune’e, loron too ita fila no kontinua dada lia ho istória oioin

Ho hamnasa ne’ebé furak entre ita ho ita-nia hamutuk

Liu tiha ita-nia dada lia domin amizade hahú mosu

La imajina no hanoin ita-nia hamutuk sentidu iha ne’ebé

Maibé tempu lais liu iha ita-nia hamutuk ne’e

Ita koko atu hamutuk no hamutuk nafatin iha ambiente amizade nian

Nu’udar belun rohan laek... hosi ne’e mosu hanoin oioin

Atu halo loos saida iha relasaun amizade ne’e ho ksolok moris nian.

Ita hanoin atu sai belun ne’ebé labele hetan sobu hosi natureza saseluk nian

No ita koko hahú planu ba loron tuir mai liuhosi amizade belun nian

Sem razaun no falun metin lialoos iha momentu ne’e... ita fiar ho hadomi

Malun maski ita-nia diferente iha isin lolon lulik moris nian

No oin beleza isin lolon nian hodi haforti ita-nia relasaun sai metin liu tan

La sente no la espera momentu ne’e ita amizade sai buras liu ta

Liuhosi tulun malu no suporta malun iha ambiente familiar

Teki-teki lori lia tatoli iha natureza amizade nian,

Katak domin hahú buras no metin dadaun, iha momentu ne’e ita kesi metin ona

Viajén moris ne’e lian ida de’it mate ka moris amizade sem razões

La kleur rona lia anin hosi relasaun amizade atu kotuk iha dalan klaran

Ha’u fuan tanis tebes tan unidade amizade atu hahú naksobu iha momentu ne’e

Ita hotu triste no laran dodok ba lia moruk hirak ne’e!

Maibé ha’u fiar ita-nia hamutuk kompremetidu atu sai feton no na’an

Ita husu harohan ba na’i ne’ebé na’in ba amizade ida ne’e, atu

Sai lalenok ba ema seluk iha aventura moris nian

Too finalidade... ita hotu mehi no sente iha fatin ida ne’e

Fatin ne’ebé sagradu/a ba ita-nia amizade sem razões.

Maski ita triste no ita tanis ba hamlaha no hamro’ok

Ita tanis ba ema ne’ebé ita hadomi halo ita laran moras

Maibé ita-nia hamutuk mak dalan úniku hodi tulun malu liuhosi

Motivasaun hana’i lialoos no hadomi malun

Ita atu agradese ba sé kona-ba moris ne’e nia viajén

Klaru ké ita agradese ba Inan/Aman no familiar sira hotu ne’ebé tulun

Ita-nia moris too ita rasik hetan malun no sai belun ne’ebé soin domin rohan laek

Fiar nafatin ba iha ita-nia amizade ne’e sei eduka ita to'o

Ita-nia jerasaun tuir mai buka nafatin malun

Hanesan ita-nia momentu sira iha knua matenek nian.

Karik ita hirak ne’e hotu... ida ne’ebé susesu haktuir netik ami seluk nia lian

Keta husik malun too ita atinji mehi hodi realiza realidade estudu nian.

Maske ita sei prepara iha kadeira universidade nian... ho vizaun la hanesan

Ha’u hakerek ho matan be’en ba amizade ida ne’e.

La’os tempu atu ita husik malun leet de’it nune’e, fiar ba loron barak ita aprende,

Loron aban ita hanoin no planea, fiar ka la fiar sei realiza duni mehi!

Ita hotu nian maske sei kleur no fiar-an ba aproveita nafatin aprende.

Hosi ita-nia pasadu sira atu sai matadalan...

Moris nian iha ita-nia komprimisiu amizade nian sem razões...

Ita husu no hasa’e nafatin orasaun atu ita-nia sai amizade forti liu tan

Se iha fututu ita hotu-hotu susesu hakerek netik istória amizade iha,

Ita idaidak nia livru memória nian hodi nune’e labele lakon,

No ita hotu nia naran ha’u sei hana’i ho forsa moris nian.

Iha ha’u-nia segredu moris... too hakotu ha’u i’is

Hamutuk nafatin eh to'o,

Wainhira ita susesu ona hakerek ba iha idaidak nia agenda!

Kona-ba amizade ne’e,

Iha momentu kmo’ok joven nian.

Liliu iha fatin lulik no sagradu hanesan knua matenek nian,

Mak UNIVERSIDADE NASIONÁL TIMOR LOROSA’E (UNTL).